कधी तरी असे होते

कधी तरी असे होते कुणी तरी कुठे भेटून जातो

अन आपलीच ओळख आपल्याला करून देतो 

आणि आपण आपल्याला नव्याने ओळखू लागतो

नव्याने करून दिलेली ओळख खूप काही देऊन जाते

डोळयात पाणी अन ओठावर हसू देऊन जाते

आपल्या नकळत झालेल्या चुका कळून जातात

आपण दुखावलेली माणसं डोळ्यासमोर तरारळून जातात

कधी आपण त्यांना भेटतो आणि त्यांना घट्ट मिठी मारतो 

असे काहीसे होऊन जाते जे आधी कधी नव्हते घडले

पण आपले मन खूप खूप हलके हलकेसे होऊन जाते

-सुयश गावड