आभाळाला मिळो पुन्हा
रिता होऊनिया शुभ्र
काळ्या ढगांचा हा ससा
आभाळाला मिळो पुन्हा
निळ्या तळ्याचा आरसा
सरी झेलता झेलता
वय व्हावे अवखळ
हाती हात येता तुझे
उमटावी गोड कळ
इंद्रधनुष्याला बांधू
अनिलाचे घोडे सात
कडेकपारित जाऊ
वार्यासंगे आत आत
तुझ्या पायांचे पैंजण
व्हावे निर्झराचे गाणे
धुकं जाऊनिया ऊतू
यावे पावसाला न्हाणे
#गीतेशगजाननशिंदे
अप्रतिम
ReplyDeleteभगवंत नार्वेकर