आज ती माहेरी जाताना थोडी नाराज होती
नेहमीसारखा उत्साह ओसंडून वाहत नव्हता
माहेरी जायच्या आधीचे प्लॅन्स नव्हते
मलाही थोडे आश्चर्य वाटले ह्यावेळी असे कसे झाले
मी सकाळी ऑफिसला निघताना तिला आवाज देऊन निघतो
आज आवाज दिल्यावर तिने प्रतिसाद देत मला थांबवले
ती आली स्वयंपाक घरातून बाहेर आणि बिलगली मला
तत्क्षणी समजले नाही मला काय झाले
तिला बाजूला सारून विचारले काय झाले तुला
तब्येत बरी नाही का तर उत्तर आले बरी आहे मी
मग मी विचारले काय झाले तर ती म्हणाली मला नाही जायचे माहेरी
मला पण थोडे अजब वाटले असे काय ही बोलते आहे
मग मला म्हणाली मिस करा मला,आठवण काढा माझी..
पण त्या वेडीला कुठे माहीत आठवण काढण्यासाठी विसरावे लागते
- सुयश गावड
